ಶ್ರೀಘ್ರದಲ್ಲಿಯೇ ಮನೆ ಮನೆಗೆ ಪೈಪ್ ಲೈನ್ ಮೂಲಕ ಅನಿಲ ಸರಬರಾಜು ಮಾಡಲಿದೆ ಎಜಿ&ಪಿ ಪ್ರಥಮ್

93 Views

ಮೈಸೂರು:21 ಜುಲೈ 2022

ನಂದಿನಿ ಮೈಸೂರು

ಅನಿಲ ವಿತರಣಾ (ಸಿಜಿಡಿ) ಕಂಪನಿಯಾದ ಎಜಿ&ಪಿ ಪ್ರಥಮ್ ಶ್ರೀಘ್ರದಲ್ಲಿಯೇ ಮನೆ ಮನೆಗೆ ಪೈಪ್ ಲೈನ್ ಮೂಲಕ ಅನಿಲ ಸರಬರಾಜು ಮಾಡಲಿದ್ದೇವೆ ಎಂದು ಪ್ರಾದೇಶಿಕ ಮುಖ್ಯಸ್ಥ ಅರುಣ್ ನಾಯಕ್ ಹಾಗೂ ಎಜಿ ಪಿ ಮಾರ್ಕೆಟಿಂಗ್ ಹೆಡ್ ನಿತೀನ್ ಮಾಹಿತಿ ನೀಡಿದರು.

ಮೈಸೂರಿನ ಖಾಸಗಿ ಹೋಟೆಲ್ ನಲ್ಲಿ ಸುದ್ದಿಗೋಷ್ಟಿ ಉದ್ದೇಶಿಸಿ ಮಾತನಾಡಿದ ಅವರು ಮೊದಲಿಗೆ ಕಂಪನಿ ಕಾರ್ಯವೈಖರಿ ತಿಳಿಸಿ ನಂತರ ಪೈಪ್ ಲೈನ್ ಅನಿಲ ಸರಬರಾಜು ಕುರಿತು ವಿವರಿಸಿದರು.

ಕರ್ನಾಟಕ ರಾಜ್ಯದ ಸಾಮರ್ಥ್ಯವನ್ನು ಬಳಸಿಕೊಳ್ಳುವ ಗುರಿಯೊಂದಿಗೆ,
ಮುಂದಿನ ಐದರಿಂದ ಆರು ವರ್ಷಗಳಲ್ಲಿ ರಾಜ್ಯದಲ್ಲಿ ೫,೦೦೦ ಕೋಟಿ ರೂ.ಗಳನ್ನು ಹೂಡಿಕೆ ಮಾಡಲು ಸಜ್ಜಾಗಿದೆ. ಇದು ಸ್ಥಳೀಯವಾಗಿ ೬೦೦೦ ಕ್ಕೂ ಹೆಚ್ಚು ಉದ್ಯೋಗಗಳನ್ನು ಸೃಷ್ಟಿಸಲು ಕಾರಣವಾಗುತ್ತದೆ.

ಮೈಸೂರು, ಮಂಡ್ಯ ಮತ್ತು ಚಾಮರಾಜನಗರ ಜಿಲ್ಲೆಗಳಲ್ಲಿ ೧೫ ಸಿ ಎನ್ ಜಿ ಕೇಂದ್ರಗಳನ್ನು ಸ್ಥಾಪಿಸಿದೆ. ಕರ್ನಾಟಕ ರಾಜ್ಯಕ್ಕೆ ತನ್ನ ವ್ಯವಹಾರ ವಿಸ್ತರಣೆ ಕಾರ್ಯತಂತ್ರದ ಭಾಗವಾಗಿ, ಎಜಿ&ಪಿ ಪ್ರಥಮ್ ಮಾರ್ಚ್ ೨೦೨೩ ರೊಳಗೆ ೪೨ ಸಿಎನ್ ಜಿ ಫಿಲ್ಲಿಂಗ್ ಸ್ಟೇಷನ್ ಗಳನ್ನು ಸ್ಥಾಪಿಸುವ ಗುರಿಹೊಂದಿದೆ.

 

ಪ್ರಧಾನ ಮಂತ್ರಿಗಳ ದೃಷ್ಟಿಕೋನಕ್ಕೆ ಅನುಗುಣವಾಗಿ ಎಜಿ&ಪಿ ನೈಸರ್ಗಿಕ ಅನಿಲ ಆಧಾರಿತ ಆರ್ಥಿಕತೆಯನ್ನು ಪ್ರಾರಂಭಿಸಲು ಹೆಚ್ಚಿನ ಶ್ರಮದಿಂದ ತನ್ನ ಕಾರ್ಯವನ್ನು ಮುಂದುವರೆಸಿದೆ. ಇದನ್ನು ಸಕ್ರಿಯಗೊಳಿಸಲು, ಕಂಪನಿಯು ಕರ್ನಾಟಕ ರಾಜ್ಯದಾದ್ಯಂತ ಗ್ಯಾಸ್ ಪೈಪ್ಲೈನ್ ನೆಟ್ ವರ್ಕ್ ಗಳನ್ನು ಹಾಕುತ್ತಿದೆ, ಡೊಮೆಸ್ಟಿಕ್ (ಗೃಹ ಬಳಕೆ) ಗ್ರಾಹಕರ ಅಡುಗೆ ಮನೆಗಳಿಗೆ ನೈಸರ್ಗಿಕ ಅನಿಲವನ್ನು ಸರಬರಾಜು ಮಾಡಲು ಮತ್ತು ಸಾರಿಗೆ ಕ್ಷೇತ್ರಕ್ಕಾಗಿ ಸಿಎನ್‌ಜಿ ಇಂಧನ ಕೇಂದ್ರಗಳಿಗೆ ನೈಸರ್ಗಿಕ ಅನಿಲವನ್ನು ತರುತ್ತಿದೆ.
ಕ್ರಾಸ್-ಕಂಟ್ರಿ ನ್ಯಾಚುರಲ್ ಗ್ಯಾಸ್ ಪೈಪ್‌ಲೈನ್‌ಗಳಿಗೆ ಪ್ರವೇಶವಿಲ್ಲದ ಕೆಲವು ಜಿಲ್ಲೆಗಳಿಗೆ, ಎಜಿ&ಪಿ ದ್ರವೀಕೃತ ಸಂಕುಚಿತ ನೈಸರ್ಗಿಕ ಅನಿಲ (ಎಲ್‌ಸಿಎನ್ ಜಿ) ಸೌಲಭ್ಯಗಳನ್ನು ನೀಡಲು ಮುಂದಾಗಿದೆ. ಎಲ್ ಸಿ ಎನ್ ಜಿ ಸಂಗ್ರಹಣೆ ಮತ್ತು ಸುತ್ತಮುತ್ತಲಿನ ಗ್ರಾಹಕರಿಗೆ ಕೊಳವೆ ಅನಿಲವನ್ನು ವಿತರಿಸುವ ಸಲುವಾಗಿ ಎಜಿ & ಪಿ ಈಗಾಗಲೇ ಮೈಸೂರು ಜಿಲ್ಲೆಯ ಹೆಬ್ಬಾಳ ಹಾಗು ನಂಜನಗೂಡಿನಲ್ಲಿ ಮತ್ತು ಜೋಧಪುರದ ಸಲಾವಾಸ್ ನಲ್ಲಿ ಇಂತಹ ಸೌಲಭ್ಯಗಳನ್ನು ನಿರ್ವಹಿಸುತ್ತಿದೆ. ಅಲ್ಲಿಂದ ಕಂಪನಿಯು ತನ್ನ ಗ್ರಾಹಕರಿಗೆ ಅನಿಲವನ್ನು ವಿತರಿಸುತ್ತಿದೆ ಮತ್ತು ಕರ್ನಾಟಕ, ಕೇರಳ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಇಂತಹ ಹಲವಾರು ಸೌಲಭ್ಯಗಳು ನಿರ್ಮಾಣ ಹಂತದಲ್ಲಿವೆ.
ಎಜಿ&ಪಿ ಪ್ರಥಮ್ ಸ್ಥಳೀಯ ಸಮುದಾಯಗಳೊಂದಿಗೆ ಕೆಲಸ ಮಾಡುತ್ತಿದೆ. ಪೈಪ್ಡ್ ನೈಸರ್ಗಿಕ ಅನಿಲ (ಪಿ ಎನ್ ಜಿ ) ಮತ್ತು ಸಂಕುಚಿತ ನೈಸರ್ಗಿಕ ಅನಿಲ (ಸಿ ಎನ್ ಜಿ) ಗೆ ಸ್ಥಳಾಂತರಿಸುವುದರಿಂದ ಆರ್ಥಿಕ ಮತ್ತು ಪರಿಸರ ಪ್ರಯೋಜನಗಳ ಬಗ್ಗೆ ಜಾಗೃತಿ ಮೂಡಿಸಲು ಕೆಲಸ ಮಾಡುತ್ತಿದೆ. ಇದರಿಂದ ದೇಶಕ್ಕೆ ಉತ್ತಮವಾದ ಕೊಡುಗೆ ನೀಡಲು ಸಾಧ್ಯವಾಗಲಿದೆ.
ಕಂಪನಿಯು ಈಗಾಗಲೇ

ಮೈಸೂರು, ಮಂಡ್ಯ ಮತ್ತು ಚಾಮರಾಜನಗರ ಜಿಲ್ಲೆಗಳಲ್ಲಿ ೧೫ ಸಿ ಎನ್ ಜಿ ಕೇಂದ್ರಗಳನ್ನು ಸ್ಥಾಪಿಸಿದೆ. ಕರ್ನಾಟಕ ರಾಜ್ಯಕ್ಕೆ ತನ್ನ ವ್ಯವಹಾರ ವಿಸ್ತರಣೆ ಕಾರ್ಯತಂತ್ರದ ಭಾಗವಾಗಿ, ಎಜಿ&ಪಿ ಪ್ರಥಮ್ ಮಾರ್ಚ್ ೨೦೨೩ ರೊಳಗೆ ೪೨ ಸಿಎನ್ ಜಿ ಫಿಲ್ಲಿಂಗ್ ಸ್ಟೇಷನ್ ಗಳನ್ನು ಸ್ಥಾಪಿಸುವ ಗುರಿಹೊಂದಿದೆ.
ಪಿ ಎನ್ ಜಿ (ಪೈಪ್ಡ್ ನ್ಯಾಚುರಲ್ ಗ್ಯಾಸ್) ದೇಶೀಯ ಮತ್ತು ವಾಣಿಜ್ಯ ಬಳಕೆದಾರರಿಗೆ ಅನುಕೂಲಕರ, ಮಿತವ್ಯಯದ, ಶುದ್ಧ ಮತ್ತು ಸುರಕ್ಷಿತ ಇಂಧನವಾಗಿದೆ. ಕಂಪನಿಯು ೨೦೨೨ ರ ಜುಲೈ ೧೫ ರವರೆಗೆ ಡೊಮೆಸ್ಟಿಕ್ ಪಿ ಎನ್ ಜಿ ಗಾಗಿ ೨೪೫೭೨ ಕ್ಕೂ ಹೆಚ್ಚು ಗ್ರಾಹಕರಿಂದ ನೋಂದಣಿಗಳನ್ನು ಪಡೆದುಕೊಂಡಿದೆ.
ಮೈಸೂರಿನಲ್ಲಿ ಎಲ್‌ಸಿಎನ್‌ಜಿ ಯೋಜನೆ: ಎಜಿ&ಪಿ ಪ್ರಥಮ್ ನಂಜನಗೂಡು ಕೈಗಾರಿಕಾ ಪ್ರದೇಶದಲ್ಲಿ ಒಂದು ಎಲ್ ಸಿ ಎನ್ ಜಿ ಕೇಂದ್ರವನ್ನು ಹೊಂದಿದೆ. ಎರಡನೇ ಸ್ಟೇಷನ್ ಅನ್ನು ಹೆಬ್ಬಾಳ ಕೈಗಾರಿಕಾ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ.
ಕಂಪನಿಯು ಪಿ ಎನ್ ಜಿ ಆರ್ ಜಿ, ಪಿಇಎಸ್‌ಒ, ಫ್ಯಾಕ್ಟರಿಗಳು ಮತ್ತು ಬಾಯ್ಲರ್ ಗಳು ಮತ್ತು ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಎಲ್ಲಾ ಮಾನದಂಡಗಳನ್ನು ಅನುಸರಿಸಿ ಮೈಸೂರು ಎಲ್ ಸಿ ಎನ್ ಜಿ ಸ್ಟೇಷನ್ ಗಳನ್ನು ವಿನ್ಯಾಸಗೊಳಿಸಲಾಗಿದ್ದು, ಅತ್ಯುನ್ನತ ಅಂತರರಾಷ್ಟ್ರೀಯ ಸುರಕ್ಷತಾ ಮಾನದಂಡಗಳಿಗೆ ಅನುಸಾರವಾಗಿ ನಿರ್ಮಿಸಲಾಗಿದೆ.
ಎಲ್.ಸಿ.ಎನ್.ಜಿ ಸ್ಟೇಷನ್ ಗಳು ಮೈಸೂರಿನ ಜನರಿಗೆ ಅನುಕೂಲವಾಗಲಿದ್ದು, ದುಬಾರಿ ಆಟೋ ಎಲ್ ಪಿ ಜಿ ಮತ್ತು ಪೆಟ್ರೋಲ್ ಗಿಂತ ಶೇ.೫೦ರಷ್ಟು ಮತ್ತು ಅಡುಗೆ ಅನಿಲ ಸಿಲಿಂಡರ್ ಗಳಿಗಿಂತ ಶೇ.೨೦ರಷ್ಟು ಉಳಿತಾಯ ಮಾಡುವ ಮೂಲಕ ಮೈಸೂರಿನ ಜನತೆಗೆ ಅನುಕೂಲವಾಗಲಿದೆ. ಆ ಮೂಲಕ ಜನ ಜೀವನ ಗುಣಮಟ್ಟವನ್ನು ಸುಧಾರಿಸುತ್ತದೆ.
ಎಜಿ&ಪಿ ಮಾಲೀಕತ್ವದ ಮತ್ತು ನಿರ್ವಹಿಸುವ ಎಲ್ ಸಿ ಎನ್ ಜಿ ಸ್ಟೇಷನ್ ಗಳು ಸೇರಿದಂತೆ ಭುವನೇಶ್ವರ, ಭೋಪಾಲ್, ಮಂಡಿದೀಪ್, ಸೋಲಾಪುರ ಮುಂತಾದ ಸ್ಥಳಗಳಲ್ಲಿ ಇತರ ಕಂಪನಿಗಳು ಅನೇಕ ವರ್ಷಗಳಿಂದ ಎಲ್ ಸಿ ಎನ್ ಜಿ ಸ್ಟೇಷನ್ ಗಳನ್ನು ಸುರಕ್ಷಿತವಾಗಿ ನಿರ್ವಹಿಸುತ್ತಿವೆ.

ಎಜಿ&ಪಿ ಪ್ರಥಮ್ ಸಂಸ್ಥೆಯು ಪೆಟ್ರೋಲಿಯಂ ಮತ್ತು ನೈಸರ್ಗಿನ ಅನಿಲ ಸಚಿವಾಲಯದ (ಎಂಒಪಿ ಮತ್ತು ಎನ್ ಜಿ) ಅಡಿಯಲ್ಲಿ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ನಿಯಂತ್ರಣ ಮಂಡಳಿ (ಪಿ ಎನ್ ಜಿ ಆರ್ ಜಿ ) ನೀಡುವ ೧೨ ಸಿಜಿಡಿ ಪರವಾನಗಿಗಳನ್ನು ಹೊಂದಿರುತ್ತದೆ. ಈ ಪರವಾನಗಿ ಮನೆಗಳು, ಕೈಗಾರಿಕಾ, ವಾಣಿಜ್ಯ, ವಾಣಿಜ್ಯೇತರ ಮತ್ತು ಗೃಹೇತರ ವಿನಾಯಿತಿ ವಾಣಿಜ್ಯ (ಎನ್‌ಡಿಇಸಿ) ಸಂಸ್ಥೆಗಳು ಪೈಪ್ಡ್ ನ್ಯಾಚುರಲ್ ಗ್ಯಾಸ್ (ಪಿಎನ್‌ಜಿ) ಮತ್ತು ವಾಹನಗಳಿಗೆ ಸಿ ಎನ್ ಜಿ ಪೂರೈಸುವ ವಿಶೇಷ ಹಕ್ಕುಗಳನ್ನು ಒಳಗೊಂಡಿರುತ್ತದೆ. ಎಜಿ&ಪಿ ಸಂಸ್ಥೆಯ ಈ ಯೋಜನೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯರೂಪಕ್ಕೆ ಬಂದಲ್ಲಿ ಎಜಿ&ಪಿ ಯ ಸಿಟಿ ಗ್ಯಾಸ್ ಡಿಸ್ಟ್ರಿಬ್ಯೂಶನ್ ( ಸಿ ಜಿ ಡಿ) ನೆಟ್ ವರ್ಕ್ ಭಾರತಾದ್ಯಂತ ೨,೭೮,೦೦೦ ಚದರ ಕಿಲೋ ಮೀಟರ್ ವಿಸ್ತರಿಸಲಿದೆ ಹಾಗೂ ೧೭,೦೦೦ ಇಂಚು-ಕಿ.ಮೀ ಪೈಪ್ ಲೈನ್ ಮತ್ತು ೧,೫೦೦ ಕ್ಕೂ ಹೆಚ್ಚು ಹೊಸ ಸಿ ಎನ್ ಜಿ ಕೇಂದ್ರಗಳಿಗೆ ಗ್ಯಾಸ್ ಸಂಪರ್ಕ ಕಲ್ಪಿಸಲಿದೆ.

ಕರ್ನಾಟಕ ರಾಜ್ಯಕ್ಕೆ ಸುರಕ್ಷಿತ, ಹಸಿರು ಮತ್ತು ಕಾರ್ಯಕ್ಷಮತೆ ಇಂಧನಗಳನ್ನು ಪೂರೈಸುವ ಜವಾಬ್ದಾರಿಯನ್ನು ವಹಿಸಿಕೊಂಡಿರುವ ಎಜಿ&ಪಿ ಪ್ರಥಮ್ ಅವರು ಇತ್ತೀಚೆಗೆ ಮೈಸೂರಿನಲ್ಲಿ ಪರಿಸರ ಸ್ನೇಹಿ ಮತ್ತು ಮಿತವ್ಯಯದ ಸಿ ಎನ್ ಜಿ ಇಂಧನ ಬಸ್ ಗಳನ್ನು ಪ್ರಾರಂಭಿಸಲು ಅನುವು ಮಾಡಿಕೊಟ್ಟಿದೆ. ಈ ಸಿ ಎನ್ ಜಿ ಬಸ್ಸುಗಳನ್ನು ಗೋಪಾಲಸ್ವಾಮಿ ಶಿಶುವಿಹಾರ ಸಂಸ್ಥೆಗಳು (ಮಹಾರಾಜಾ ಎಜುಕೇಶನ್ ಟ್ರಸ್ಟ್ ನಿಂದ ನಿರ್ವಹಿಸಲ್ಪಡುವ ), ನೈಪುಣ್ಯ ಸ್ಕೂಲ್ ಆಫ್ ಎಕ್ಸಲೆನ್ಸ್ ಮುಂತಾದ ಪ್ರೀಮಿಯಂ ಸಂಸ್ಥೆಗಳು ಸುಲಭವಾಗಿ ಪ್ರವೇಶಿಸಬಹುದಾದ ಸಂಕುಚಿತ ನೈಸರ್ಗಿಕ ಅನಿಲ (ಸಿ ಎನ್ ಜಿ ) ಒದಗಿಸುವ ಮತ್ತು ಆರ್ಥಿಕ ಮತ್ತು ಪರಿಸರ ಸುಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳುವ ಉದ್ದೇಶವನ್ನು ಈಡೇರಿಸುತ್ತಿದೆ. ಇದಲ್ಲದೆ, ಪ್ರಮುಖ ಐಎಟಿಎ ಮಾನ್ಯತೆ ಪಡೆದ ಟ್ರಾವೆಲ್ ಸಲ್ಯೂಷನ್ ಪ್ರೊವೈಡರ್ ಕಂಪನಿಗಳಲ್ಲಿ ಒಂದಾದ ಭಾರತ್ ಇಂಟರ್ನ್ಯಾಷನಲ್ ಟ್ರಾವೆಲ್ಸ್ (ಬಿಐಟಿ) ತಮ್ಮ ಪ್ರತಿಷ್ಠಿತ ಗ್ರಾಹಕರಿಗಾಗಿ ಸಿಎನ್‌ಜಿ ಬಸ್ ಗಳಿಗೆ ಬದಲಾಯಿಸಿದೆ. ಆಕರ್ಷಕ ಯೋಜನೆಗಳನ್ನು ಒದಗಿಸುವ ಮೂಲಕ ಆಟೋ ರಿಕ್ಷಾಗಳು / ೪ ಚಕ್ರದ ವಾಹನಗಳಿಗೆ ಸಿ ಎನ್ ಜಿ ಕಿಟ್ ಗಳನ್ನು ಅಳವಡಿಸಲು ಮೈಸೂರು ನಗರದ ಅಧಿಕೃತ ರೆಟ್ರೋಫಿಟರ್ಗಳಿಂದ ಆಟೋ ಎಲ್ ಪಿ ಜಿ ಅಥವಾ ಪೆಟ್ರೋಲ್ನಿಂದ ತಮ್ಮ ವಾಹನಗಳನ್ನು ಸಿ ಎನ್ ಜಿ ಪರಿವರ್ತಿಸಲು ಎಜಿ&ಪಿ ಪ್ರಥಮ್ ಗ್ರಾಹಕರನ್ನು ಉತ್ತೇಜಿಸುತ್ತಿದೆ.
ಎಜಿ&ಪಿ ಪ್ರಥಮ್ ಕುರಿತು: ಎಜಿ&ಪಿ ಪ್ರಥಮ್ ಪ್ರಮುಖ ನಗರ ಅನಿಲ ವಿತರಣಾ (ಸಿಜಿಡಿ) ಕಂಪನಿಯಾಗಿದ್ದು, ಇದು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ನಿಯಂತ್ರಣ ಮಂಡಳಿ (ಪಿ ಎನ್ ಜಿ ಆರ್ ಬಿ ) ನೀಡುವ ೧೨ ನಗರ ಅನಿಲ ವಿತರಣಾ ಪರವಾನಗಿಗಳನ್ನು ಹೊಂದಿದೆ. ಭಾರತದ ಐದು ರಾಜ್ಯಗಳ ೩೪ ಜಿಲ್ಲೆಗಳಲ್ಲಿ ದೈನಂದಿನ ಬಳಕೆಗೆ ನೈಸರ್ಗಿಕ ಅನಿಲವನ್ನು ಪ್ರತ್ಯೇಕವಾಗಿ ಒದಗಿಸುತ್ತದೆ. ಕರ್ನಾಟಕದಲ್ಲಿ, ಉತ್ತರ ಕನ್ನಡ, ಹಾವೇರಿ, ಶಿವಮೊಗ್ಗ, ರಾಯಚೂರು, ಬಾಗಲಕೋಟೆ, ಕೊಪ್ಪಳ, ಚಿಕ್ಕಮಗಳೂರು, ಹಾಸನ, ಕೊಡಗು, ಕಲಬುರಗಿ, ವಿಜಯಪುರ, ಮೈಸೂರು, ಮಂಡ್ಯ, ಚಾಮರಾಜನಗರ ಮತ್ತು ಕೋಲಾರ ಸೇರಿದಂತೆ ೧೫ ಜಿಲ್ಲೆಗಳಲ್ಲಿ ಸಿಜಿಡಿ ನೆಟ್ ವರ್ಕ್ ಗಳನ್ನು ಅಭಿವೃದ್ಧಿಪಡಿಸಲು ಎಜಿ&ಪಿ ಪ್ರಥಮ್ ಗೆ ಅಥಾರಿಟಿ (ವಿಶೇಷ ಹಕ್ಕನ್ನು) ನೀಡಲಾಗಿದೆ.
ನೈಸರ್ಗಿಕ ಅನಿಲ ಏಕೆ?
ನೈಸರ್ಗಿಕ ಅನಿಲವು ಪರಿಸರ ಸ್ನೇಹಿ ಮತ್ತು ಮಿತವ್ಯಯಕಾರಿಯಾದ ಸುರಕ್ಷಿತ ಇಂಧನವಾಗಿದೆ. ನವದೆಹಲಿ, ಮುಂಬೈ, ಅಹಮದಾಬಾದ್, ಬೆಂಗಳೂರು ಮತ್ತು ಹೈದರಾಬಾದ್ ನಂತಹ ನಗರಗಳಲ್ಲಿ ದೇಶೀಯ ಇಂಧನವಾಗಿ ಈಗಾಗಲೇ ಪೈಪ್ಡ್ ನ್ಯಾಚುರಲ್ ಗ್ಯಾಸ್ (ಪಿ ಎನ್ ಜಿ) ಎಲ್ ಪಿ ಜಿ ಯನ್ನು ಬದಲಾಯಿಸಿದೆ. ಕಂಪ್ರೆಸ್ಡ್ ನ್ಯಾಚುರಲ್ ಗ್ಯಾಸ್ (ಸಿ ಎನ್ ಜಿ) ಟ್ಯಾಕ್ಸಿಗಳು, ಆಟೋಗಳು ಮತ್ತು ಖಾಸಗಿ ಕಾರುಗಳಿಗೆ ಅತ್ಯಂತ ನೆಚ್ಚಿನ ಸಾರಿಗೆ ಇಂಧನವಾಗಿದೆ, ಏಕೆಂದರೆ ಇದು ಪೆಟ್ರೋಲ್ ಮತ್ತು ಡೀಸೆಲ್ ನಂತಹ ಸಾಂಪ್ರದಾಯಿಕ ಇಂಧನಗಳಿಗಿಂತ ಹೆಚ್ಚು ಕೈಗೆಟುಕುವ ದರದಲ್ಲಿದೆ. ಸಿ ಎನ್ ಜಿ ಅಳವಡಿಕೆಯು ದೆಹಲಿ ಮತ್ತು ಮುಂಬೈನಂತಹ ನಗರಗಳಲ್ಲಿ ಸುತ್ತಮುತ್ತಲಿನ ವಾಯುಮಾಲಿನ್ಯವನ್ನು ಕಡಿಮೆ ಮಾಡಲು ಗಮನಾರ್ಹ ಕೊಡುಗೆ ನೀಡಿದೆ.

 

Leave a Reply

Your email address will not be published. Required fields are marked *