ಕೈಮಗ್ಗ ಮತ್ತು ಕರಕುಶಲ ವಸ್ತುಗಳ ಪ್ರದರ್ಶನ ‘ಸಂಸ್ಕೃತಿ-2022’ ಮೇಳಕ್ಕೆ ಚಾಲನೆ

75 Views

 

ಮೈಸೂರು: 23 ಮಾರ್ಚ್ 2022

ನಂದಿನಿ ಮೈಸೂರು

ಜೆಎಸ್‌ಎಸ್ ಅರ್ಬನ್ ಮತ್ತು ಜವಳಿ ಮತ್ತು ಕೈಮಗ್ಗ ಸಚಿವಾಲಯ ಮತ್ತು ಕಾವೇರಿ ಎಂಪೋರಿಯಂ ಜಂಟಿಯಾಗಿ ಏಪ್ರಿಲ್ 4 ರವರೆಗೆ 12 ದಿನಗಳ ಕಾಲ ಆಯೋಜಿಸಿರುವ ಕೈಮಗ್ಗ ಮತ್ತು ಕರಕುಶಲ ವಸ್ತುಗಳ ಪ್ರದರ್ಶನ ‘ಸಂಸ್ಕೃತಿ-2022’ ಉದ್ಘಾಟನೆಗೊಂಡಿತು.

ಮೈಸೂರಿನ ಹೆಬ್ಬಾಳ ಹೊರವರ್ತುಲ ರಸ್ತೆಯ ವೃತ್ತದ ಬಳಿಯಿರುವ ಜೆಎಸ್‌ಎಸ್ ಅರ್ಬನ್ ಹಾತ್‌ನಲ್ಲಿ ಜೆಎಸ್‌ಎಸ್ ಮಹಾವಿದ್ಯಾಪೀಠದ ಕಾರ್ಯನಿರ್ವಾಹಕ ಕಾರ್ಯದರ್ಶಿ ಸಿ ಜಿ ಬೆಟಸೂರಮಠ ಹಾಗೂ ಕೈಮಗ್ಗ ಸಚಿವಾಲಯದ ಆಯುಕ್ತ ಟಿ ಎಚ್ ಎಂ ಕುಮಾರ್ ಮೇಳವನ್ನು ಉದ್ಘಾಟಿಸಿದರು.

ದೇಶದ ನಾನಾ ಭಾಗಗಳಿಂದ ಒಟ್ಟು 60ರಿಂದ 70 ಕುಶಲಕರ್ಮಿಗಳು ಮೇಳದಲ್ಲಿ ಭಾಗವಹಿಸಿದ್ದಾರೆ. ವಿವಿಧ ಕೈಮಗ್ಗ ಮತ್ತು ಕರಕುಶಲ ಉತ್ಪನ್ನಗಳನ್ನು ಪ್ರದರ್ಶಿಸಿ ಮಾರಾಟ ಮಾಡುತ್ತಿದ್ದಾರೆ.
ಜೆಎಸ್ಎಸ್ ಅರ್ಬನ್ ಹಾತ್ ಅಂತಹ 126 ಪ್ರದರ್ಶನಗಳನ್ನು ಆಯೋಜಿಸಿದೆ ಮತ್ತು ಸಂಸ್ಕೃತಿ-2022 ಮೆಗಾ ಎಕ್ಸ್‌ಪೋದ 127 ನೇ ಆವೃತ್ತಿಯಾಗಿದ್ದು ಇಲ್ಲಿಯವರೆಗೆ ಸುಮಾರು ಒಂದು ಕೋಟಿ ವಹಿವಾಟು ದಾಖಲಾಗಿದೆ” ಎಂದು ಬೆಟ್ಸೂರ್‌ಮಠ ತಿಳಿಸಿದರು.

ಕೈಮಗ್ಗ ಉಪನಿರ್ದೇಶಕ ಲಕ್ಷ್ಮಣ ತಳವಾರ, ಜೆಎಸ್‌ಎಸ್ ಮಹಾವಿದ್ಯಾಪೀಠದ ಉಪ ಕಾರ್ಯದರ್ಶಿ ಶಿವಕುಮಾರ ಸ್ವಾಮಿ, ಜೆಎಸ್‌ಎಸ್ ತಾಂತ್ರಿಕ ಶಿಕ್ಷಣ ನಿರ್ದೇಶಕ ಎಚ್.ಆರ್.ಮಹದೇವಸ್ವಾಮಿ, ಜೆಎಸ್‌ಎಸ್ ಅರ್ಬನ್ ಹಾತ್ ಸಂಯೋಜಕ ಎಂ.ಶಿವನಂಜಸ್ವಾಮಿ ಮತ್ತು ಸಂತಾನಂ ಉಪಸ್ಥಿತರಿದ್ದರು.

Leave a Reply

Your email address will not be published.