ನಂದಿನಿ ಮನುಪ್ರಸಾದ್ ನಾಯಕ್
ಅವಿಷ್ಕಾರ್ ಹೋಮ್ಸ್ ನೂತನ ಕಚೇರಿ ಉದ್ಘಾಟನೆ;
ಮೈಸೂರು, ಜುಲೈ 2: ವಸತಿ ಹಾಗೂ ವಾಣಿಜ್ಯ ಕಟ್ಟಡ ನಿರ್ಮಾಣ, ಪ್ರಿಫ್ಯಾಬ್ರಿಕೇಟೆಡ್ ಕಟ್ಟಡಗಳು, ಕಂಟೈನರ್ ಹೋಮ್ಸ್, ಸ್ವಯಂ-ಸುಸ್ಥಿರ ಕಟ್ಟಡಗಳು ಹಾಗೂ ಎಂಜಿನಿಯರಿಂಗ್ ಸೇವೆಗಳನ್ನು ಒದಗಿಸುತ್ತಿರುವ ಅವಿಷ್ಕಾರ್ ಹೋಮ್ಸ್ ಸಂಸ್ಥೆಯ ನೂತನ ಕಚೇರಿ ಮೈಸೂರಿನ ವಿಜಯನಗರ 2ನೇ ಹಂತ, 80 ಅಡಿ ಹಿಂಕಲ್ ಬೈಪಾಸ್ ರಸ್ತೆಯಲ್ಲಿ ಗುರುವಾರ ಉದ್ಘಾಟನೆಯಾಯಿತು.
ಕಾರ್ಯಕ್ರಮವನ್ನು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ G. T. Devegowda ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿ ಗಣ್ಯರು, ಗ್ರಾಹಕರು, ಹಿತೈಷಿಗಳು ಹಾಗೂ ಸಂಸ್ಥೆಯ ಸಿಬ್ಬಂದಿ ಉಪಸ್ಥಿತರಿದ್ದರು.
ಸಂಸ್ಥೆಯ ಬೆಳವಣಿಗೆ, ನವೀನತೆ ಹಾಗೂ ಗುಣಮಟ್ಟದ ಸೇವೆಗಳತ್ತ ಮತ್ತೊಂದು ಮಹತ್ವದ ಹೆಜ್ಜೆಯಾಗಿ ಈ ನೂತನ ಕಚೇರಿ ಆರಂಭವಾಗಿದ್ದು, “Build Beyond Structures to Build Trust” ಎಂಬ ಧ್ಯೇಯವಾಕ್ಯದೊಂದಿಗೆ ಗ್ರಾಹಕರ ವಿಶ್ವಾಸವನ್ನು ಮತ್ತಷ್ಟು ಬಲಪಡಿಸುವ ಸಂಕಲ್ಪವನ್ನು ಸಂಸ್ಥೆ ವ್ಯಕ್ತಪಡಿಸಿತು.
ಈ ಸಂದರ್ಭದಲ್ಲಿ ಸಂಸ್ಥೆಯ ಮಾಲೀಕ ಪುನೀತ್ ಶಿವಶಂಕರ್ ಮಾತನಾಡಿ, “ನೂತನ ಕಚೇರಿಯ ಉದ್ಘಾಟನೆ ನಮ್ಮ ಸಂಸ್ಥೆಯ ಬೆಳವಣಿಗೆಯ ಮತ್ತೊಂದು ಮಹತ್ವದ ಮೈಲಿಗಲ್ಲಾಗಿದೆ. ಗುಣಮಟ್ಟ, ನವೀನತೆ ಮತ್ತು ಸುಸ್ಥಿರತೆಯನ್ನು ಆಧಾರವಾಗಿಟ್ಟುಕೊಂಡು ಗ್ರಾಹಕರ ನಿರೀಕ್ಷೆಗಳನ್ನು ಈಡೇರಿಸುವ ಕಾರ್ಯವನ್ನು ಇನ್ನಷ್ಟು ಪರಿಣಾಮಕಾರಿಯಾಗಿ ಮುಂದುವರಿಸುತ್ತೇವೆ. ನಮ್ಮ ಬೆಳವಣಿಗೆಯ ಪಯಣದಲ್ಲಿ ಬೆಂಬಲ ನೀಡಿದ ಪ್ರತಿಯೊಬ್ಬರಿಗೂ ಹೃತ್ಪೂರ್ವಕ ಧನ್ಯವಾದಗಳು. ಮುಂದೆಯೂ ವಿಶ್ವಾಸಾರ್ಹ ಸೇವೆ ನೀಡುವ ಮೂಲಕ ಸಮಾಜದ ನಿರೀಕ್ಷೆಗಳಿಗೆ ತಕ್ಕಂತೆ ಕಾರ್ಯನಿರ್ವಹಿಸುತ್ತೇವೆ,” ಎಂದು ಹೇಳಿದರು.
ಅವಿಷ್ಕಾರ್ ಹೋಮ್ಸ್ ಸಂಸ್ಥೆಯು ವಸತಿ ಹಾಗೂ ವಾಣಿಜ್ಯ ಕಟ್ಟಡ ನಿರ್ಮಾಣ, ಪ್ರಿಫ್ಯಾಬ್ರಿಕೇಟೆಡ್ ಕಟ್ಟಡಗಳು, ಕಂಟೈನರ್ ಹೋಮ್ಸ್, ಸ್ವಯಂ-ಸುಸ್ಥಿರ ಕಟ್ಟಡಗಳು ಹಾಗೂ ಎಂಜಿನಿಯರಿಂಗ್ ಸೇವೆಗಳನ್ನು ಒದಗಿಸುತ್ತಿದೆ.